५० प्रतिशत भन्दा कम डेमोक्र्याट्सहरूले सन् २०२४मा बाइडेन चुनाव लडेको चाहन्छन्
काठमाडौं । अमेरिकी राष्ट्रपति जो बाइडेनको पार्टी डेमोक्र्याट्सहरू मध्ये ५० प्रतिशत भन्दा कम डेमोक्र्याट्सहरूले उनी सन् २०२४मा चुनाव लडेको हेर्न चाहेका छन् ।
अमेरिकामा नयाँ राष्ट्रपतिको निर्वाचनका लागि सन् २०२४मा हुने प्रतिस्पर्धाका लागि मनोनित भएपनि पार्टीका पचास प्रतिशतले उनलाई नरुचाएको एक सर्वेक्षण परिणामले जनाएको हो ।
एसोसिएटेड प्रेसले अप्रिल १३ र अप्रिल १७ बीचमा १ हजार २३० वयस्कहरूमाझ गरिएको सर्वेक्षणको नतिजा प्रकाशित गरेको छ ।
शुक्रबार प्रकाशित सो नतिजामा यस्तो नतिजाय सार्वजनिक भयो ।
४७ प्रतिशत डेमोक्र्याट्सले बाइडेन फेरि राष्ट्रपतिको लागि उम्मेदवार हुन भनी चाहेका छन् । ४५ वर्ष भन्दा कम उमेरका डेमोक्र्याट्सहरू मध्ये २५ प्रतिशतले मात्र निश्चित रूपमा उहाँलाई समर्थन गर्ने एपीले जनाएको छ ।
सार्वसाधरण जनतामा भने यो बाइडेनलाई रुचाउनेहरूको संख्या ४२ प्रतिशत मात्र हो ।
कुल ५६ प्रतिशत अमेरिकीहरूले बाइडेनलाई समर्थन गर्ने सम्भावना नभएको सर्वेक्षणले देखाएकोे हो । २६ प्रतिशतले मात्र वर्तमान राष्ट्रपति बाइडेनलाई दोस्रो कार्यकालको लागि उम्मेदवार भएको हेर्न चाहन्छन्।
सन् २०२४मा चुनावको दिन बाइडेन ८२ वर्षका हुनेछन् । बाइडेन दोस्रो कार्यकालको अन्त्यमा ८६ वर्षको एक हुनेछन् ।
यदि उनले आधिकारिक रूपमा आफ्नो उम्मेदवारी घोषणा गरे भने २०२४ मा बाइडेनले रिपब्लिकन डोनाल्ड ट्रम्पसँग फेरि भिड्ने सम्भावना छ। पूर्व राष्ट्रपति गत नोभेम्बरमा रिपब्लिकन उम्मेदवारीको दौडमा सामेल भएका थिए।
क्याटेगोरी : अन्तर्राष्ट्रिय
ट्याग : #breaking
थप समाचार
धेरै पढिएका
प्रतिक्रिया