सगरमाथाको उत्तरी भागमा फाइभ जी स्टेशन 

सगरमाथाको उत्तरी भागमा फाइभ जी स्टेशन 

काठमाडौ । विश्वको सबैभन्दा ठूलो शिखर सगरमाथाको उत्तरी भागमा चीनले फाइभ जी टेक्नलजिको आधार शिविर खडा गरेको छ ।

सगरमाथालाई चिनियाँहरूले कोमोलाङ हिमशिखरको रूपमा चिन्छन् ।

चिनियाँ सञ्चार संस्था सिन्ह्वाले जनाए अनुसार चाइना मोबाइले  विश्वको सबैभन्दा अग्लो शिखर कोमोलाङको आधारमा जडान गरेको फाइभ जी स्टेशनले बिहीबारदेखि  काम गर्न शुरू गरेको हो ।

समुद्री सतहबाट ६ हजार ५ सय मिटरको उचाइँमा स्थापना गरेको यो फाइभ जी स्टेशनले यसअघि जडान गरिएको फाइभ जी स्टेशनहरूमा त्यहाँको संकेत पठाएको हो ।

चाइना मोबाइलले यस क्षेत्रमा यस अघि दुई अग्ला फाइभ जी स्टेशनको स्थापना गरेको थियो ।

समुद्री सतहबाट ५ हजार ३सय मिटर र ५ हजार ८सय मिटर दुई अग्ला स्थानमा स्थापना गरिएका स्टेशनहरूमा ६ हजार ५सय मिटरको उचाइँमा रहेको फाइभ जी स्टेशनले संकेत प्रसारण गरेको हो ।

चाइना मोबाइलको तिब्बत शाखाका महाप्रवन्धक झाउ मिनले यसको पुष्टि गरेको सिन्हवाले जनाएको छ । सिन्ह्वाका अनुसार कोमोलाङमाको उचाइँ ८८४० मिटर रहेको छ ।