त्रिवि शिक्षण अस्पतालबाट ‘पीसीआर’ परीक्षण  शुरु

त्रिवि शिक्षण अस्पतालबाट ‘पीसीआर’ परीक्षण  शुरु

काठमाडौं । त्रिवि शिक्षण अस्पतालमा पनि सोमबारदेखि आरटी–पीसीआर विधिबाट कोरोना परीक्षण शुरु गरिएको छ ।

शिक्षण अस्पतालमा रहेको पीसीआर मेसिन लामो समयदेखि बिग्रिएका कारण यस अघि जाँच भएको थिएन । कीर्तिपुरमा रहेको माइक्रोबायोलोजी विभागको ट्रफल रिसर्च प्रोगाममा रहेको पीसीआर मेसिन महाराजगञ्जमा सारेर सेवा शुरु गरिएको हो । 

कीर्तिपुरकै टोलीले ८ दिन लगाएर ल्याब तयार पारेको हो ।  मेसिन स्थानान्तरणपछि प्राविधिक कमिटी गठनसमेत गरेसँगै परीक्षण सुरु गर्न राष्ट्रिय जनस्वास्थ्य प्रयोगशालाले समेत अनुमति दिइसकेको छ ।

उक्त पिसिआर टेष्ट मेसिनमा एक पटकमा ९६ नमूनाका परीक्षण गर्न सकिन्छ । अहिले भने कम्तीमा २४ वटा नमूना जम्मा हुनासाथ परीक्षण थाल्ने नियम बनाइएको छ ।