थप ३५ जनामा कोरोना संक्रमण पुष्टि, संक्रमितको संख्या ८ सय २५ पुग्यो
बुधबार रौतहटमा एकैपटक ३५ जना व्यक्तिमा कोरोनाभाइरसको संक्रमण पुष्टि भएको छ।
भारतबाट आएर क्वारेन्टिनमा रहेका उनीहरूमा संक्रमण पुष्टि भएको हो। संक्रमितहरूमा गौर नगरपालिकाका ८, ईशनाथ नगरपालिकाका १६, गढिमाई नगरपालिकाका ७, देवाही गोनाही र कटहरिया नगरपालिकाका दुई दुई जना छन्।
उनीहरूलाई रौतहट जिल्लाकै आइसोलेसनमा राख्ने तयारी गरिएको छ। योसँगै संक्रमितको संख्या ८ सय २५ पुगेको छ। यसअघि बुधबार बिहानै बाग्लुङका ६ र हेटौंडाका एकजनामा संक्रमण पुष्टि भएको थियो। बाग्लुङमा देखिएका संक्रमितहरू पनि भारतबाट आएको खुलेको छ। हेटौंडाकी २५ वर्षीय संक्रमित युवती भने चितवनबाट घर पुगेको भन्ने छ। उनलाई भरतपुर अस्पतालको आइसोलेसन पठाइएको छ।
प्रतिक्रिया