बार्सिलोनामा रोजगारबाट निकाल्ने योजनाको विरोध गर्दै निशानका मजदुर
काठमाडौ । जापानी गाडी निर्माता कम्पनी निशानले कारखाना बन्द गर्ने र कम्पनीले ३ हजार रोजगार कम गर्ने गरेको निर्णयको बार्सिलोनाका हजारौं मजदुरहरूले प्रदर्शन गरेका छन् ।
मिडियाले जनाए अनुसार मजदुरहरूले मैन बालेर बर्सिलोनाको मुख्य कारखाना परिसर वरिपरि मानव शृंखला बनाउने छन् ।
निशानका प्रमुख कार्यकारी माकोतो उचिदाले बिहीबार कम्पनी बन्द गर्ने र विश्वभरको कम्पनीलाई पुनर्संरचना गर्ने अन्तर्गत यो योजना सार्वजनिक गरिएको जनाए ।
स्पेन सरकारले जनाए अनुसार त्यहाँको स्थानीय अधिकारीहरूले कारखाना चलाउने प्रस्ताव दिएपनि बार्सिलोनास्थित कम्पनी बन्द गर्ने निर्णय लिइएको हो ।
यो कम्पनीले पिकअप भ्यान बनाउँदै आएको हो । यो कम्पनीको लागत मूल्य १.१ अर्ब अमेरिकी डलर बराबरको रहेको छ ।
प्रतिक्रिया