सात दिनभित्रै विदेशी लगानीको काम पूरा गर्ने ऐन आउँदै

सात दिनभित्रै विदेशी लगानीको काम पूरा गर्ने ऐन आउँदै

आएदेखि ओरालो लागेको शेयर बजारलाई उसको लयमा फर्काउन नसकेको प्रधानमन्त्री केपी शर्मा ओलीको सरकारले विदेशी लगानी ल्याउन लगानी सम्मेलन गरिरहेको छ । विदेशी लगानीको सबै काम सात दिनभित्रै पूरा भइसक्ने गरी ऐनको व्यवस्था सरकारले गर्न लागेको हो ।

लगानी सम्मेलनको पूर्व सन्ध्यामा आयोजित कार्यक्रममा अर्थमन्त्री युवराज खतिवडाले यस्तो बताएका हुन् ।

स्वदेशी तथा विदेशी लगानीकर्तालाई पनि ऋण दिने अन्तर्राष्ट्रिय वित्तीय संस्थाहरूसमेतको सहभागितामा यो लगानी सम्मेलन हुन लागेको हो ।

ऐन र नियमावलीहरू बनाउने आवश्यकतालाई ध्यान दिएर सरकारले लगानी सम्मेलनलाई थप प्रभावकारी बनाउन खोजेको हो । मन्त्री खतिवडाले यो कार्य पूरा हुने बताउँदै ऐन मात्रै ल्याएर हुँदैन यसलाई द्रुतगतिमा कार्यान्वयन गर्न नियमावली समेत ल्याउनुपर्ने आवश्यकता  रहेको जनाए ।

 सरकारी कार्यालयको कार्यशैली, वातावरण, व्यवहार, संरचना र कार्यविधि प्रभावकारी बनाउने लगानीकर्तालाई एकद्वार सेवा दिइने उनले जनाए ।

विदेशी लगानीसम्बन्धी  निर्णयका सबै प्रक्रिया सात दिन भित्र पूरा गरिसक्नुपर्ने गरी ऐनमा व्यवस्था लागिएको जानकारी दिँदै अर्थमन्त्री खतिवडाले बताएका हुन ।