नेपालले आज राति आफ्नोे भूउपग्रह अन्तरिक्षमा प्रक्षेपण गर्दै

नेपालले आज राति आफ्नोे भूउपग्रह अन्तरिक्षमा प्रक्षेपण गर्दै

काठमाडौं, ४ बैशाख । नेपालले आफ्नोे भूउपग्रह (स्याटेलाइट) आज राति अन्तरिक्षमा प्रक्षेपण गर्ने भएको छ ।

विश्वको अन्य मुलुक अन्तरिक्षमा पुगेको छ दशकपछि नेपालले आफ्नै विद्यार्थीहरु स्पेश इन्जिनियरिङको पीएचडीका विद्यार्थी आभाष मास्के र स्नातकोत्तर तहका विद्यार्थी हरिराम श्रेष्ठले तयार गरेको स्याटेलाइट आज राति २ बजेर ३१ मिनेटमा प्रक्षेपण गर्दैछ । यसको नाम ‘नेपाली स्याट वान’ राखिएको छ ।

जापानमा संयुक्त राष्ट्रसंघको फेलोसिपमा क्युशु इन्स्टिच्युट अफ टेक्नोलोजी (क्युटेक) मा भूउपग्रह प्रविधिमा पढ्दै गरेका नेपाली विद्यार्थीले तयार पारेको सो भूपउपग्रह अमेरिकाको भर्जिनियामा अवस्थित वल्लोप्स द्वीपस्थित प्रक्षेपण केन्द्रबाट जापान र श्रीलंकाका नानो स्याटेलाइटँगै नेपालको स्याटेलाइट प्रक्षेपण गर्न सबै तयारी सकिएको छ ।

यो स्याटेलाइट अन्तरिक्षमा पुग्न करिब एक महिना समय लाग्ने अनुमान गरिएको नेपाल विज्ञान तथा प्रविधि प्रज्ञा प्रतिष्ठान नास्टका बरिष्ठ वैज्ञानिक रविन्द्र ढकालले जानकारी दिए ।