रोगी बनाउने  हावामा अझै श्वास फेर्छन् राजधानीबासी

 रोगी बनाउने  हावामा अझै श्वास फेर्छन् राजधानीबासी


काठमाडौ ३५औं विश्व वातारण दिवस मनाइरहेकै बेला सरकारले काठमाडौं उपत्यकामा बस्नेहरूका लागि स्वच्छ हावाको अभाव रहेको जनाएको छ ।

मानिसलाई श्वास लिन चाहिने हावाको स्वच्छताको स्तर मापनका आधारमा काठमाडौबासीका लागि उपलब्ध हावा प्रदुषित भएको जनाइएको छ ।

गाडी र कारखानाबाट निस्कने धुवाँबाट हावामा मिसावट भइ मानिसले लिने स्वस्थ्य हावाको अभाव भएको देखिएको छ ।

सरकारले निर्धारण गरेको स्वास्थ्य हावाको मापदण्ड अनुसार  काठमाडौंको हावा नरहेको जनाएको छ ।

सरकारले प्रतिघन मिटर ४० माइक्रोग्राम भन्दा माथि भए अस्वस्थ्य हावा भएको जनाएको छ ।

तर हाल गरिएको अध्ययन अनुसार पुल्चोकमा यो ४७ देखि ६० माइक्रोग्राम भन्दा माथि रहेको पाएको छ ।

झन् विश्व स्वास्थ्य संगठनले निर्धारण गरेको मापदण्ड भन्दा दोब्बर रहेको छ ।

चिकिसकहरूका अनुसार हावा स्वच्छ बनाउन धुवाँ निस्कासनको अवस्थामा नियन्त्रण गर्नुपर्ने  हुन्छ ।

नभए दम ,खोकी र फोक्सोका बिरामी बढने छ । पछि गएर यो मुटु , मृगौला र अन्य अंगको बिरामी निम्त्याउनेछ ।

गत वर्ष गरिएको एक अध्ययन अनुसार ६८ प्रशित पेट्रोलबाट गुडने र ६० प्रतिशत डिजेलबाट गुड्ने गाडीहरू वातावरण अनुसारको गरिने परीक्षणमा असफल भउका थिए ।

यसका साथै ईंटा भट्टाबाट निस्केन धुवाँले उपत्यकाको हावालाई प्रदुषित गरिरहेको देखिएको छ । ईंटा भट्टाहरूले पनि निर्धारित मापदण्ड पूरा गरी सञ्चालनमा नरहेको पाइएको छ ।

धन्य केही दिन यता भएको बर्षाले राजधानीका धुलोलाई बगाइ दिएर हावाको प्रदुषणलाई घटाइ दिएको विज्ञहरूले बताए । 

विश्वव्यापीरूपमा वायु प्रदुषणबाट विश्वमा बर्सेनी ६० लाख मानिसको ज्यान जाने गरेको छ । ती मध्ये ६लाख बालबालिका रहेका छन् ।