बीरगञ्ज भन्सारमा साढे तीनसय बेवारिसे गाडी
काठमाडौ । बीरगञ्ज भन्सारमा साढे तीनसय भन्दा बढी बेवारिसे गाडी थन्किएको पाइएको छ ।
गाडी आयातकर्ताले ती गाडीहरूमा दाबी गर्न नआएका अधिकारीहरूको भनाइ छ ।
यी गाडीहरू भन्सार परिसरमा दुई महिनादेखि रहेको र आयातकर्ताले दाबी गरी लान नखोजेको देखिएपछि सरकारी अधिकारीहरूले यी गाडीहरूको डाक लिलाम गर्ने योजना बनाइरहेका छन् ।
आयातकर्ताहरूले यी गाडीलाई भन्सार परिसरबाट छुटाएर नलगेकाले यहाँ स्थानको अभाव हुन थालेका भन्सारका अधिकारीहरूको भनाइ छ ।
यसरी थन्किएका गाडीहरूमा ३५वटा विद्युतीय वाहन समेत रहेका छन् ।
केही एकीकृत जाँच पोस्टमा र केही सुख्खा बन्दरगाहमा यी गाडी थन्किएका छन् ।
भारतको कोलकाता बन्दरगाहबाट बीरगञ्ज भन्सार नजिकको विन्दु परेकाले यो भन्सार अन्य नाका भन्दा बढी सक्रिय रहेको मानिएको छ ।
कतिपय डिलरले भन्सार परिसरमा पार्क गरी गाडी छोड्ने योजना बनाइरहेकाले यहाँ थन्किन पुग्छ । यहाँ पार्किङ शुल्क अन्य ठाउँको तुलनामा सस्तो हुने गर्छ ।
प्रतिक्रिया