संखुवासभामा भालु अतंक, आक्रमणबाट वडा सदस्य घाइते
संखुवासभा, असोज ६ । मकालु गाउँपालिका–२ का वडा सदस्य दावानुर्बु शेर्पा भालुको आक्रमणबाट गम्भीर घाइते भएका छन् ।
आइतबार बेलुका सेदुवा च्याक्सेडाँडाको जंगलको अलैँची बगानमा शेर्पालाई भालुले आक्रमण गरेको हो ।
भालुले आक्रमण गरेपछि शेर्पाले गुहार मागेका थिए । अलैँची बगानमा रहेका अन्य साथीहरुले भालु लखेटेका थिए । त्यसपछि उहाँलाई उपचारको लागि राति नै सेदुवाको स्वास्थ्य चौकीमा पठाइएको थियो ।
भालुको आक्रमणबाट शेर्पाको शरीरको विभिन्न भागमा गहिरो चोट लागेको छ । उनको अवस्था गम्भीर रहेको जनाइएको छ । यस क्षेत्रमा भालुको आक्रमणबाट गएको वर्ष पनि २ जना गम्भीर घाइते भएका थिए ।
प्रतिक्रिया