चीनद्वारा आर्थिक तथा सैनिक शक्तिको प्रर्दशन
काठमाडौ ।माओत्से तुङ नेतृत्वको चिनियाँ कम्युनिस्ट पार्टीले अक्टोबर १,१९४९मा जनवादी गणतन्त्र चीनको घोषणा गरेको ७०औं वार्षिकोत्सवमा चीनले मंगलबार आर्थिक तथा सैनिक शक्तिको प्रदर्शन गरेको छ ।
राष्ट्रिय टेलिभिजनहरूबाट गरिएको तियानमेन चौकमा निकालिएको सैनिक प्रदर्शनले चीनको आर्थिक तथा सैनिक शक्तिलाई दर्शाइ रहेको देखियो ।
राष्ट्रिय दिवसका अवसरमा लाखौंको उपस्थिति रहेको देखियो ।
चिनियाँ राष्ट्रपति सी जिनपिन खौरो माओले लगाउने शैलीको कोटलगाएर परेडको अगुवाइ गरेका थिएथिए ।
त्यसैगरी पूर्व राष्ट्रपति हु जिन्ताओ र जियाङ जमिनसँग अन्य नेताले गेट अफ हेवनली पीस नाम दिइएको तियानमेन चोकको शीर्षस्थानमा बनेका आसनहरूमा बसेका थिए ।
परेडमा १५ हजार सैनिक र १६० भन्दा बढी हवाई युद्धक विमानको प्रदर्शनी गरिएको थियो ।
यसमा लामो दूरीको नयाँ परमाणु क्षेप्यास्त्र र सुपरसोनिक ड्रोन हवाइ युद्धक विमान पनि रहेको देखिएको भएपनि यसबारे सेनाको प्रवक्ताले जानकारी दिन इन्कार गरेको समाचारमा जनाइएको छ ।
प्रतिक्रिया