मृर्गौला किनबेचमा संलग्न निदान अस्पतालका सिइओसहित पाँच जना जेल चलान

मृर्गौला किनबेचमा संलग्न निदान अस्पतालका सिइओसहित पाँच जना जेल चलान

काठमाडौं, २७ कात्तिक । मृर्गौला किनबेचमा संलग्न भएको आरोपमा ललितपुरको पुल्चोकस्थित निदान अस्पतालका प्रमुख कार्यकारी अधिकृत (सिईओ) विपिन प्रधानसहित पाँच जनालाई पुर्पक्षका लागि जेल चलान गरिएको छ ।

जिल्ला अदालतले उनीहरुलाई मंगलबार पूर्पक्षको लागि थुनामा राख्न आदेश दिएको हो ।

जेल चलान हुनेमा अस्पतालका डाक्टर राजेश पन्तसमेत रहेका छन् । उनीहरुलाई २९ असोजमा प्रहरीले नियन्त्रणमा लिएको थियो ।

मिर्गौला किनेको अभियोगमा रामेछाप दोरम्बाका शंकरलाल लामा, कानुनी सहयोगी सप्तरी कञ्चनपुरका कुमुदकुमार भट्टराईसमेत जेल चलान भएका छन् । उनीहरुमाथि प्रहरीले मानव अंगको कारोबार कसुरमा मुद्दा चलाएको हो ।