भारतको गणतन्त्र दिवसका प्रमुख अतिथि ब्राजिलका राष्ट्रपति
काठमाडौ यो वर्ष २६ जनवरीका दिन भारतको ७१औं गतणतन्त्र दिवसको प्रमुख अतिथिको रूपमा ब्राजिलका राष्ट्रपति जाइर बोल्सोनारो भारतको भ्रमण गरिरहेका छन् । भारतको भ्रमण गर्ने बोल्सेनोरो ब्राजिलका तेस्रा राष्ट्रपति हुनु हुनेछ । यसअघि फर्नान्डो हेनरिक कार्डोसोले १९९६मा र लुइस इनासियो लुला डा सिल्भा २००४मा भारतको भ्रमण गरेका थिए ।
उपनिवेशवादी शासनबाट विगतमा शासित भारत र ब्राजिलबीच विभिन्न मञ्चमा दुई पक्षीय हितको साझेदारी गरी प्रतिनिधित्व गरिरहेका छन् । ब्रिक्स, बेसिक, जी २०, जी४, आइबीएसब, इन्टरनेशनल सोलर अलाइन्स र बायोफर्चुन प्लेटफर्ममा यी दुई देश रहेका छन् ।
पोर्चुगलको शासन कालमा ब्राजिल र भारतको गोवाबीच व्यापारिक सम्बन्ध थियो । यो अवधिमा गोवाले नरिवल र आँप पठाउने गर्दथ्यो भने ब्राजिलले काजु पठाउने गर्दथ्यो । यसका अतिरिक्र भारतीय वस्तु भाउ ब्राजिल पठाउने गरिएको थियो । ब्राजिल १८२२मा पोर्चुगलको उपनिवेशबाट स्वतन्त्र भयो । यी दुई देशबीच १८४७मा भारत स्वतन्त्र भएपछि सन् १९४८मा दौत्य सम्बन्ध स्थापित भएको थियो ।
१९६१मा गोवालाई स्वतन्त्र गराउन भारतले चालेको ‘अपरेश विजय’को कदमलाई ब्राजिलले विरोध गरेयता दुई देशबीचको सम्बन्ध विकासित हुन पाएन् ।सन् १९९०मा यी दुई देशबीच आर्थिक सुधारभइ सम्बन्ध विस्तार हुन गएको हो । सन् २०१८सम्म यी दुई देशबीचको व्यापार ७.५७ अर्ब अमेरिकी डलर बराबरको बन्न पुगेको थियो ।
प्रतिक्रिया