मापसे जाँच पनि स्थगित, मापसे क्लास लिनु नपर्ने
कोरोना भाइरसको संक्रमणलाई लक्षित गरेर ट्राफिक प्रहरीले हाललाई मापसे जाँच स्थगित गरेको छ ।
महानगरीय ट्राफिक महाशाखाले हाललाई मापसे जाँच रोकिएको जनाएको छ । यद्यपि, अत्यवश्यक अवस्थामा भने अस्पतालमा लगेर परीक्षण गरेर आफन्तको जिम्मा लगाइने उनले जनाए ।
अहिले ज्यादै धेरै मापसे गरेर लरवराउनेलाई भने मुक्ति पाउँदैनन् । पहिले जस्तो मेसिन लगाएर चेक नगरेपनि लरबराउँदै कोही आउँछ भने त्यस्ता व्यक्तिलाई अस्पताल लगेर परीक्षण गराउने र आफन्तको जिम्मा लगाइनेछ ।
ट्राफिकले मापसे गरेर जरिवानामा परेका व्यक्तिका लागि लिँदै आएको सचेतना कक्षा पनि तत्काललाई स्थगित गरेको छ ।
प्रतिक्रिया