ओली-प्रचण्ड वार्ता : ओलीले भने, 'महाधिवेशनसम्म सघाउनुहोस्', प्रचण्डले भने, 'सहमती पालना भएन' 

ओली-प्रचण्ड वार्ता : ओलीले भने, 'महाधिवेशनसम्म सघाउनुहोस्', प्रचण्डले भने,  'सहमती पालना भएन' 

काठमाडौं, १६ वैशाख । सत्तारुढ नेकपाका अध्यक्षद्वय केपी शर्मा ओली र पुष्पकमल दाहाल ुप्रचण्डुबीच मंगलबार झण्डै तीन घन्टा भएको वार्ता स्किर्षबिहीन भएको छ । भएको छ । प्रधानमन्त्री निवास बालुवाटारमा भएको भेटवार्तामा नेकपाभित्रको विवादका विषयमा छलफल भएको थियो ।

बालुवाटार स्रोतका अनुसार प्रधानमन्त्रीसमेत रहेका ओलीले आफूलाई सहयोग गर्न पार्टीका कार्यकारी अध्यक्ष प्रचण्डलाई आग्रह गरेका थिए । तर प्रचण्डले सचिवालय र स्थायी समिति बैठकबाट समस्याको समाधान गर्नुपर्नेमा जोड दिएका स्रोतको दावी छ ।

सबै पक्षलाई विश्वासमा लिएर अगाडि बढ्नुपर्नेमा प्रधानमन्त्रीले आफ्नो खुसीअनुसार सीमित घेराबाट सरकार सञ्चालन गरेकाले निम्तिएको समस्या भन्दै प्रचण्डले निकास दिने विषयमा पनि नेतृत्व लिन ओलीलाई नै आग्रह गरेका थिए ।

प्रधानमन्त्री ओलीले अब विगतमा भएका सहमतिको कार्यान्वयन गर्ने र एकता महाधिवेशनसम्म मिलेर जान प्रचण्डलाई आग्रह गरेका छन् । प्रचण्डले भने विगतमा आफूले प्रधानमन्त्री पद पनि छाडेको, पटक पटक सहमति गरेर पालना नभएकाले गुनासो गरेका छन् ।

अहिले आफूलाई प्रधानमन्त्री पनि नचाहिएको भन्दै प्रचण्डले नेतृत्वदायी भूमिका देखाएर पार्टीमा देखिएको समस्या समाधानमा गम्भीर बन्न आग्रह गरेका स्रोतको भनाइ छ ।

आज आन्तरिक छलफल गरेर भोलिसम्म सचिवालय बैठक बस्नेगरी दुई अध्यक्षबीच छलफल भएको प्रचण्डको सचिवालयले जनाएको छ ।