Techie IT
  • ३२ असार २०८१, सोमबार
Jhilko

कोशी प्रदेशका मुख्यमन्त्री हिक्मत कार्कीलाई भेडेटार जान पहिचानवादी पक्षधरको अवरोध


धरान, १६ वैशाख । कोशी प्रदेशका मुख्यमन्त्री हिक्मत कार्कीलाई प्रदर्शनकारीले धनकुटाको भेडेटार जान अवरोध गरेका छन्। एमालेको कोशी प्रदेशभरिका केन्द्रीय सदस्यहरूको बैठकमा सहभागी हुन जाने क्रममा पहिचानवादी पक्षधरले अवरोध गरेपछि उनी धनकुटा जान नपाएका हुन्।

भेडेटारको नाम्जेमा एमालेले आयोजना गरेको कार्यक्रममा एमाले स्थायी समिति सदस्यसमेत रहेका मुख्यमन्त्री नाम्जे जाने कार्यक्रम थियो।
मुख्यमन्त्री नाम्जे जाने भएपछि सुनसरी प्रहरीले धरान, इटहरी, दुहबी र चारकोसे जंगलमा ब्यापक प्रहरी परिचालन गरेको थियो। तर, कोशी प्रदेश खारेजीको माग राखेर पहिचानवादीहरू सडकमा आन्दोलन उत्रिएपश्चात् मुख्यमन्त्रीको धनकुटा जाने कार्यक्रम स्थगित भएको प्रहरीले बताएको छ।

पहिचानवादीले धरानको विभिन्न स्थानमा भेला भएर मुख्यमन्त्रीविरुद्ध पर्दशन गरेका थिए। जसपाका नेता सागर चेम्जोङले एकतर्फी रूपमा मुख्यमन्त्री कार्कीले प्रदेश १ को नाम कोशी राखेकाले किराती बाहुल क्षेत्रमा उनलाई प्रवेशमा प्रतिबन्ध लगाइएको बताए।

उनले मुख्यमन्त्री भेडेटार आउने कार्यक्रम स्थगित भएको सुरक्षा निकायबाट जानकारी आएकाले पहिचानजवादीले सडक आन्दोलन छाडेको बताए। सुनसरीका प्रहरी प्रमुख एसपी प्रभुप्रसाद ढकालले सुनसरीको बाटो हुँदै पूर्व प्रधानमन्त्री तथा एमाले अध्यक्ष केपी ओली आउने खबर प्राप्त भएका कारण सुनसरीको सुरक्षा ब्यवस्था कडा पारिएको बताए।

उनले भीआइपीहरूलाई सुरक्षा प्रदान गर्नु प्रहरीको कर्तव्य भएको बताए। एसपी ढकालले सडकमा भेला भएर शान्ति सुरक्षा खलबल बनाउने जोकोहीलाई पनि कडा कारबाही गर्ने चेतावनी दिए।

 


क्याटेगोरी : राजनीति, कोशी प्रदेश
ट्याग : #hot

प्रतिक्रिया


धेरै पढिएका

ताजा अपडेट