अमेरिकी औषधि निर्माता कम्पनी एली लिलीले इन्सुलिनको मूल्य ७० प्रतिशतले घटायो
काठमाडौं । अमेरिकी औषधि निर्माता कम्पनी एली लिलीले इन्सुलिनको मूल्य ७० प्रतिशतले घटाएको दाबी गरेको छ ।
एली लिलीले वर्षौँदेखिको बढ्दो मूल्यपछि इन्सुलिनको मूल्यमा ७० प्रतिशतले कटौती गर्ने घोषणा गरेको हो । मूल्य घटेपछि मधुमेहका बिरामीलाई सहज हुनेछ ।
पछिल्ला वर्ष इन्सुलिनको लागत बढेको र मागमा पनि वृद्धि भएको अवस्थामा मूल्य घटाउने घोषणा गरिएको हो ।
कम्पनीले मे १ तारिख अर्थात् हिजोदेखि नै आफ्नो ब्रान्डेड इन्सुलिनको मूल्य प्रति भायल २५ डलरमा झार्ने घोषणा गरेको छ ।
लिलीका प्रमुख कार्यकारी अधिकृत डेभिड रिक्सले इन्सुलिनको मूल्य घटेपछि मधुमेहबाट समस्या भोग्दै आएका लाखौँ अमेरिकी नागरिकलाई सहज हुने बताउनुभएको समाचार संस्था एएफपीले जनाएको छ ।
सन् २०२२ मा गरिएको एक अध्ययनअनुसार मधुमेह विश्वव्यापी रूपमा तीव्र गतिमा बढ्दै गएको दीर्घकालीन रोगमध्ये एक हो ।
क्याटेगोरी : अन्तर्राष्ट्रिय, स्वास्थ्य
थप समाचार
धेरै पढिएका
प्रतिक्रिया