आजको मौसम पूर्वानुमान : पहाडी भेगमा पानी पर्न सक्ने
काठमाडौं । आज बिहान देशको पहाडी भू-भागहरूमा आंशिक बदली रही बाँकी भू–भागहरूको मौसम सामान्यतया सफा रहेको मौसम पूर्वानुमान महाशाखाले जनाएको छ।
आज दिउँसो पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ। देशका पहाडी भू-भागका एक/दुई स्थानमा मेघ गर्जन र चट्याङ्ग सहित क्षणिक/हल्का वर्षाको सम्भावना रहेको महाशाखाले उल्लेख गरेको छ।
यस्तै, आज राती देशका पहाडी भू-भागमा आंशिक बदली रही बाँकी भू–भागमा मौसम सामान्यतया सफा रहने जनाइएको छ।
क्याटेगोरी : समाचार
ट्याग : #hot
प्रतिक्रिया