रेडियो धनगढीका पत्रकार शेरबहादुर ऐरमाथि आक्रमण
काठमाडौं, २९ फागुन । रेडियो धनगढी तथा धनगढी खबर डटकमका संवाददाता शेरबहादुर ऐरलाई अज्ञात समुहले आक्रमण गरी घाइते बनाएको घटनाप्रति नेपाल पत्रकार महासंघको ध्यानाकर्षण भएको जनाएको छ ।
महासंघ कैलाली शाखाका अनुसार फागुन २७ गते शनिबार धनगढी उपनगरपालिका–२ स्थित रुवस होटलमा भएको कार्यक्रममा सहभागी भएर बाहिर निस्किने क्रममा राति होटल प्रांगणमै पत्रकार ऐरमाथि आक्रमण भएको थियो ।
कुनै पनि बहानामा पत्रकारमाथि आक्रमण हुनु प्रेस स्वतन्त्रतामाथिको आक्रमण भएको महासंघका केन्द्रीय महासचिव रोसन पुरीद्वारा जारी बिज्ञप्तिमा जनाइएको छ ।
प्रेस स्वतन्त्रतामाथि हुने सबैखाले आक्रमणका घटनाको कडा शब्दमा भत्र्सना गर्दै महासंघले यस्ता घटनामा संलग्नको तत्काल पहिचान गरी कानुनी दायरामा ल्याउन र पत्रकारलाई निर्वाध र सुरक्षित रूपमा काम गर्ने वातावरण निर्माण गर्न सम्बन्धित निकायसँग माग गरेको छ ।
क्याटेगोरी : समाचार
ट्याग : #fnj
प्रतिक्रिया