विराटनगर, ५ चैत । जिल्ला प्रशासन कार्यालय मोरङले विराटनगरको पाँच ठाउँमा निषेधाज्ञा जारी गरेको छ । प्रदेशको नामांकनको विरोधमा असन्तुष्ट पक्षले आन्दोलन घोषणा गरेपछि निषेधाज्ञा जारी भएको हो ।
प्रशासनले प्रदेशसभा (पूर्वमा देवकोटा चोकदेखि पश्चिम कोशी अस्पतालसम्म), कोशी प्रदेश मुख्यमन्त्री तथा मन्त्रिपरिषद्को कार्यालय (रोडशेष चोकदेखि दक्षिण जतुवा चोकसम्म) , मुख्यमन्त्री निवासको ३०० मिटर वरपर, प्रदेश प्रमुखको कार्यालय र निवास तथा जिल्ला प्रशासन कार्यालय मोरङ आसपास निषेधित क्षेत्र घोषणा गरेको हो ।
आज आइतरबा बिहान ६ बजेदेखि अर्को आदेश नभएसम्म निषेधित स्थानमा कुनै किसिमको सभा, जुलुश, भेला, र्याली, धर्नाजस्ता कार्य गर्न नपाइने जिल्ला प्रशासन कार्यालय मोरङले जनाएको छ ।
क्याटेगोरी : समाचार, कोशी प्रदेश
थप समाचार
धेरै पढिएका
प्रतिक्रिया