काठमाडौंबाट नौ जना जुवाडे पक्राउ
काठमाडौं, २१ चैत । काठमाडौंको तारकेश्वर नगरपालिका–१०, लोकतान्त्रिक चोकबाट सोमबार साँझ नौ ‘जुवाडे’ पक्राउ परेका छन् ।
रामकुमार लुंगेलीको मासु पसलमा जुवातास खेलिरहेको अवस्थामा तारकेश्वरकै मनमैजु बस्ने २७ वर्षीय लोकेश विकलगायत नौजनालाई नियन्त्रणमा लिइएको प्रहरीले जनाएको छ ।
प्रहरी वृत्त बालाजुबाट खटिएको टोलीले उनीहरूलाई नगद ८३ हजार ५२५ रुपैयाँ र तीन बुक ताससहित फेला पारी पक्राउ गरेको हो ।
क्याटेगोरी : समाचार, बाग्मती प्रदेश
प्रतिक्रिया