केन्द्रीय समितिमा लान सचिव रायमाझी कारबाही प्रस्ताव एमाले सचिवालय बैठकमा पारित नगरिने
![](https://archive.jhilko.com/wp-content/uploads/2023/05/uml-party-office-Chyasal1.jpg)
काठमाडौं । प्रमुख प्रतिपक्ष नेकपा एमालेको सचिवालय बैठक आज बस्ने बैठकमा नकली भुटानी शरणार्थी बनाउने प्रकरणमा मुछिएका सचिव टोप बहादुर रायमाझी कारबाही प्रस्ताव केन्द्रीय समितिमा लान प्रस्तुत नहुने भएको छ ।
ललितपुर च्यासलस्थित पार्टी केन्द्रीय कार्यालयमा दिउँसो २ बजे सचिवालय बैठक बस्ने भएको छ ।
सो बैठकमा आगामी केन्द्रीय समितिमा प्रस्तुत गरिने बिषयमाथि छलफल गरिने छ ।
पार्टी कार्यकर्ता तथा नेताहरूले रायमाझीलाई कारबाही गर्नुपर्ने माग उठाएपनि तत्काल यसबारे यो केन्द्रीय समितिको प्रस्ताव नबनाउने पार्टी निकट नेताहरूले बताएका छन् ।
एमालेको केन्द्रीय समिति बैठक यही वैशाख २८ देखि सुरु हुँदैछ । यसअघि झापामा हुने भनिएको बैठक संघीय संसदमा नीति तथा कार्यक्रम र बजेट लगायतका विषय छलफल गर्नु पर्ने भएको भन्दै काठमाडौंमा सारिएको हो ।
गत मंसिर ४ मा सम्पन्न निर्वाचन तथा हालै गरिएको मिसन ग्रास रुटको समीक्षा लगायतका विषयमा एजेन्डाहरू तय गर्न सचिवालय बैठकमा तय हुने नेताहरूले बताएका छन् ।
क्याटेगोरी : राजनीति, समाचार
ट्याग : #breaking
प्रतिक्रिया