काठमाडौं । काठमाडौंको कलङ्कीमा ट्रकको ठक्करबाट एक जनाको ज्यान गएको छ ।
हिजो दिउँसो कलङ्की चोकमा सुदूरपश्चिम प्रदेश ०१–००१ ख २९४१ नम्बरको ट्रकले बाग्मती प्रदेशको ०२–००४ प ४७०३ नम्बरको स्कुटरलाई ठक्कर दिँदा स्कुटरको पछाडि बस्ने तनहुँ घर भइ चन्द्रागिरि नगरपालिका–१४ नैकाप बस्ने ६४ वर्षीया सन्तु माया राउतको ज्यान गएको प्रहरीले जनाएको छ ।
दुर्घटनामा घाइते भएकी राउतको उपचारको क्रममा वीर अस्पतालमा ज्यान गएको हो । दुर्घटनामा घाइते भएकी स्कुटर चालकको शहीद मेमोरियल अस्पताल कलङ्कीमा उपचार भइरहेको छ । ट्रक चालकलाई प्रहरीले पक्राउ गरेको छ ।
क्याटेगोरी : समाचार
थप समाचार
धेरै पढिएका
प्रतिक्रिया