पाँचथर । मेची राजमार्गको हेवा खोलामा बेलिब्रिज राखिने भएको छ । गए रातिदेखिको अविरल वर्षा र बाढीले आइतवार बिहान पाँचथरको फिदिम नगरपालिका र हिलिहाङ गाउँपालिका जोड्ने पुल बगाएपछि उपप्रधानमन्त्री एवम् गृहमन्त्री नारायणकाजी श्रेष्ठको पहलमा त्यहाँ बेलिब्रिज पठाउन लागिएको हो ।
विपद् प्राधिकरणका कार्यकारी प्रमुख अनिल पोखरेलले खोज तथा उद्धारका लागि सम्बन्धित निकायको जिम्मेवारी तथा उपकरणको विवरण तय भइसकेको र बेलिब्रिज पठाउन लागिएको जानकारी दिए ।
हेवा खोलामा सडक विभागको इटहरीमा रहेको कार्यालयबाट बेलिब्रिज पठाउन लागिएको गृह मन्त्रालयले जनाएको छ । विभागका महानिर्देशक सुशीलबाबु ढकालले प्राविधिक टोलीसहित आइतवार बेलिबिज्र पठाउने तयारी भइरहेको जानकारी दिए ।
बाढीले पुल बगाएपछि मेची राजमार्गको पाँचथर–तापलेजुङ सडक खण्ड पूर्णरूपमा बन्द छ ।
क्याटेगोरी : समाचार
थप समाचार
धेरै पढिएका
प्रतिक्रिया