होन्डुरस चीनसँग सम्बन्ध बनाउन खोज्दा ताइवानको मान्यता घट्दै
काठमाडौं । मध्य अमेरिकी देश होन्डुरसले चीनसँग आधिकारिक सम्बन्ध बनाउन खोजेकाले ताइवानलाई स्वतन्त्र देशको रूपमा मान्यता टिकाइ राख्न थप समस्या परेको छ ।
होन्डुरनका राष्ट्रपति जिओमारा क्यास्ट्रोले चीनसँगको सम्बन्ध विस्तार गर्ने बताएकी छिन् ।
ताइवानले तुरुन्तै होन्डुरसलाई चीनको “जाल“ मा नपर्न चेतावनी दियो ।
चीनले लामो समयदेखि ताइवानलाई एक्लो पार्ने प्रयास गर्दै आएको छ । आफ्ना साझेदारहरूलाई आफ्नो क्षेत्रको हिस्सा मान्ने टापु ताइवानसँग सम्बन्ध राख्न प्रतिबन्ध लगाएको छ।
यदि होन्डुरसले चीनमा पक्ष परिवर्तन नीति परिवर्तन गरे ताइवानलाई मान्यता दिने मात्र १३ देश बाँकी रहने छ ।
यसले ऐतिहासिक रूपमा प्रतिद्वन्द्वी वासिंटनको पक्षमा रहेको क्षेत्रमा बेइजिङको खुट्टा फराकिलो बनाउनेछ ।
बुधबार, चीनको विदेश मन्त्रालयले होन्डुरस नेताको भनाइको स्वागत गरेको छ र यो देशसँग “मैत्री र सहयोगी सम्बन्ध“ विकास गर्न इच्छुक रहेको बताएको छ।
चीनले विश्वभर आफ्नो प्रभाव विस्तार गर्न खोजेको छ ।
सन् २०१६ मा साई इङ–वेन राष्ट्रपतिमा निर्वाचित भएपछि ताइवानले आठ कूटनीतिक सहयोगी गुमाएका छन्।
सन्२०२१मा पदभार ग्रहण गर्ने सुश्री क्यास्ट्रोले भनिन् कि उनले आफ्नो विदेश मन्त्रीलाई आफ्नो चुनावी वाचा पूरा गर्दै चीनसँग आधिकारिक सम्बन्ध कायम गर्न निर्देशन दिएकी थिइन् ।
होन्डुरसका राष्ट्रपतिले ताइवानसँगको सम्बन्ध टुट्ने हो कि भनेर खासै भनेनन्। यद्यपि जनवरी २०२२ मा, उनले ती सम्बन्धहरू राख्ने आशा व्यक्त गरेकी थिइन् ।
।
सुश्री क्यास्ट्रोको घोषणा हुनुभन्दा केही हप्ता अघि उनको सरकारले जलविद्युत बाँध निर्माण गर्न चीनसँग वार्ता गरिरहेको बताएको थियो।
बेइजिङले सन् २०२१ मा यस्तै परियोजनाका लागि होन्डुरसलाई ३०करोड अमेरिकी डलरको ऋण थियो ।
“हामी होन्डुरसलाई सावधानीपूर्वक विचार गर्न र चीनको जालमा नपर्न र ताइवान र होन्डुरस बीचको दीर्घकालीन मित्रतालाई क्षति पु¥याउने गलत निर्णय गर्न आग्रह गर्दछौं,“ ताइवानको विदेश मन्त्रालयले एक विज्ञप्तिमा उल्लेख छ ।
क्याटेगोरी : अन्तर्राष्ट्रिय
ट्याग : #breaking
प्रतिक्रिया