रुसले युक्रेनलाई हतियार नपठाउन दक्षिण कोरियालाई चेतावनी दिएको छ । सियोलले ठूलो मात्रामा नागरिक आक्रमणको स्थितिमा किभलाई सम्भावित सैन्य सहायताका लागि ढोका खोलेपछि रुसले बुधवार दक्षिण कोरियालाई युक्रेनमा हतियार नपठाउन चेतावनी दिएको हो ।
वाशिङ्टनको सहयोगी सियोलले युक्रेनलाई गैरघातक र मानवीय सहायता प्रदान गरेको छ तर अहिलेसम्म सैन्य हतियार दिन अस्वीकार गरेको छ ।
दक्षिण कोरियाका राष्ट्रपति युन सुक योलले बुधवार रोयटर्ससँग भने, ‘यदि अन्तर्राष्ट्रिय समुदायले नागरिकमाथि कुनै पनि ठूलो स्तरको आक्रमणलाई स्वीकार्न नसक्ने अवस्था आयो भने मानवीय वा आर्थिक सहायतामा मात्र जोड दिन हामीलाई गाह्रो हुन सक्छ ।’
क्रेमलिनले हतियार आपूर्ति सुरु गर्नुको अर्थ युक्रेन द्वन्द्वमा अप्रत्यक्ष संलग्नता हुने बताएको छ । क्रेमलिनका प्रवक्ता दिमित्री पेस्कोभले भने, दुर्भाग्यवश सियोलले अमैत्रीपूर्ण कदम चालेको छ । हतियार आपूर्ति सुरु हुनुको अर्थ अप्रत्यक्ष रूपमा यस द्वन्द्वमा संलग्नताको एक निश्चित चरण हुनेछ ।
सन् २००८ देखि २०१२ सम्म रुसका राष्ट्रपति रहेका रुसका पूर्वनेता दिमित्री मेदभेदेवले पनि यस्तो चेतावनी दिएका थिए । मेदभेदेवले मस्कोले उत्तर कोरियालाई हतियार पठाउन सक्ने बताएका थिए ।
उनले भने, ‘मलाई आश्चर्य लागेको छ । यो देशका बासिन्दाले आफ्ना निकटतम छिमेकीहरू अर्थात् उत्तर कोरियाका हाम्रा साझेदारहरूसँग रुसको पछिल्लो हतियार देखेपछि के भन्नेछन् ?’
क्याटेगोरी : अन्तर्राष्ट्रिय
ट्याग : #breaking
थप समाचार
धेरै पढिएका
प्रतिक्रिया