संसदीय समितिको प्रतिवेदनमा पूर्व बेलायती प्रधानमन्त्री जोनसनले जानाजानी संसदलाई गुमराह पारेको आरोप
काठमाडौं । पूर्व बेलायती प्रधानमन्त्री बोरिस जोनसनले जानजानी संसदलाई गुमराह पारेको एक प्रतिवेदनले जनाएको छ ।
पूर्वप्रधानमन्त्री जोनसनले त्यो प्रतिवेदनलाई बकवास भनेका हुन् ।
सांसदहरूको विशेषाधिकार समितिले जोनसनले प्रधानमन्त्रीको रूपमा धेरै अवसरमा संसदलाई गुमराह बनाएको जनाएको हो ।
समितिले जोनसन दुर्व्यवहारको अभियानमा संलग्न भएको र धम्की दिने प्रयास गरेको आरोप पनि लगाएको छ ।
जोनसनले यो प्रतिवेदनबारे जवाफ फर्काउँदै आफू निर्दोष रहेको र प्रतिवेदन बकवास र झूट भनी निन्दा गरेका छन् ।
१०० पृष्ठभन्दा बढीको प्रतिवेदनले डाउनिङ स्ट्रिट, प्रधानमन्त्रीको कार्यालय र निवासमा आयोजित ६ वटा घटनाको विवरण दिएको छ ।
“हामी निष्कर्षमा पुग्छौँ कि सदनलाई जानाजानी भ्रामक रूपमा जोनसनले गम्भीर अपमान गरेका छन् । ” समितिले भनेको छ ।
समितिको सिफारिसमाथि संसदले सोमबार छलफल गर्नेछ ।
समितिमा जोनसनको कन्जरभेटिभ पार्टीका चार जना र विपक्षी दलका तीन जना सांसद छन् ।
कोभिड १९को कठोर लकडाउनको अवधिमा प्रधानमन्त्री निवासमा मदिरा पार्टी गराएको विवाद चर्किएपछि जोनसनलाई प्रधानमन्त्री पदबाट राजीनामा गर्नुपरेको थियो ।
क्याटेगोरी : अन्तर्राष्ट्रिय
थप समाचार
धेरै पढिएका
प्रतिक्रिया