यसवर्ष सञ्चारकर्मी ऋषि धमलालाई पटमूर्ख, सञ्चारकर्मी वीरेन्द्र रमणलाई सोटाचन्द, महोत्तरीको मटिहानी नगरपालिकाका नगरप्रमुख हरिप्रसाद मण्डललाई वैशाखनन्दन, तमलोपा नेतृ विभा ठाकुरलाई गन्धपसारैन, पूर्वखेलाडी अरुण लाल कर्णलाई खबसुरता उपाधि प्रदान गरिएको छ ।
जनकपुरधाम । यसवर्षको महामूर्ख जनकपुरधाम उपमहानगरपालिकाका मेयर मनोजकुमार साह बनेका छन् ।
प्रत्येक वर्ष होलिको दिन जनबकपुरधामस्थित मिथिला नाट्यकला परिषद (मिनाप) ले एक विशिष्ट व्यक्तिलाई प्रदान गर्ने महामूर्खको उपाधि यस वर्ष मेयर साहलाई प्रदान गरेको हो ।
मिनापले मंगलबार जानकी मन्दिर परिसरमा आयोजन गरेको महामूर्ख सम्मेलन अन्तर्गत महामूर्खसहित मूर्खका उपाधि विभिन्न क्षेत्रका चर्चित व्यक्तित्वहरुलाई प्रदान गरेको छ ।
यसवर्ष सञ्चारकर्मी ऋषि धमलालाई पटमूर्ख, सञ्चारकर्मी वीरेन्द्र रमणलाई सोटाचन्द, महोत्तरीको मटिहानी नगरपालिकाका नगरप्रमुख हरिप्रसाद मण्डललाई वैशाखनन्दन, तमलोपा नेतृ विभा ठाकुरलाई गन्धपसारैन, पूर्वखेलाडी अरुण लाल कर्णलाई खबसुरता उपाधि प्रदान गरिएको छ ।
महामूर्खको उपाधि पाएका मेयर साहलाई प्रशस्ति पत्र, लाटोकोसेरोको मुकुट र मालाले सुशोभित गरी सम्मान गरिएको छ ।
सम्मेलनमा सहभागी कविहरुले आ–आफ्नो कविताको माध्यमले विभिन्न विषयवस्तुमाथि हाँस्यव्यंग्य कटाक्ष समेत गरेका थिए ।
मिथिलाको कला संस्कृतिलाई संरक्षण एवं सम्बर्द्धन गर्ने उद्देश्यले मिनापले २०६१ सादेखि प्रत्येक वर्ष होली पर्वको पूर्व सन्ध्यामा हास्यव्यंग्य सांस्कृतिक कार्यक्रम महामूर्ख सम्मेलनको आयोजना गर्दै आएको छ ।
क्याटेगोरी : समाचार, मधेस प्रदेश
ट्याग : #hot
थप समाचार
धेरै पढिएका
प्रतिक्रिया