काठमाडौं । चीनले सन् २०३० सम्ममा चन्द्रमामा अन्तरिक्ष यात्री पठाउने योजना बनाएको चाइना म्यान्ड स्पेस एजेन्सी (सीएमएसए)का उपनिर्देशक लिन सिकियाङले घोषणा गरेका छन्।
उनले यो मिसनले मानव अन्तरिक्ष उडान प्रविधिमा निपुणता हासिल गर्ने र थप चन्द्रमाको अन्वेषणको लागि आधार तयार गर्ने सोमबार जनाए ।
देशको उत्तरपश्चिममा रहेको जिउक्वान स्याटेलाइट प्रक्षेपण केन्द्रमा योजनाहरू घोषणा गर्दै लिनले चीनले चन्द्रमाको सतहमा वैज्ञानिक अन्वेषण र सम्बन्धित प्राविधिक प्रदर्शनहरू गर्ने लक्ष्य राखेको खुलाए ।
मानव आउनेजाने गरी प्रविधिको सुधार गर्ने कार्य पनि गरिने जनाउँदै उनले सन् २०३० सम्ममा चन्द्रमा अवतरण गर्ने लक्ष्य राखेको बताए ।
तर यसका लागि सटीक समयसीमा भने उनले तोकेका छैनन् ।
लिनले मानव–रोबोट एकीकृत परीक्षणका लागि अवसरहरू खोज्दै गर्दा चन्द्रमामो चालक दलका लागि कम्युटेशन र छोटो–अवधि रहन प्रणालीको विकास गर्ने चाहना रहेको जनाए ।
चिनियाँ अन्तरिक्ष यात्रीहरूले पनि चन्द्रयानहरू सञ्चालन गर्नेछन् , नमूनाहरू सङ्कलन गर्नेछन् र अनुसन्धान गर्नेछन् ।
क्याटेगोरी : अन्तर्राष्ट्रिय, विज्ञान
ट्याग : #breaking
थप समाचार
धेरै पढिएका
प्रतिक्रिया