बुटवल, २५ फागुन । लुम्बिनी प्रदेश सरकारका प्रवक्ता तथा खानेपानी मन्त्री चेतनारायण आचार्यको घरमा चोरी भएको छ । अर्घाखाँचीको सन्धिखर्क नगरपालिका हटारीनेटामा रहेको उनको निजी निवासमा गएराति चोरी भएको प्रहरीले जनाएको छ ।
डेढ महिनाभित्र उनको घरमा दुई पटक चोरी भएको छ । बुटवलमा बस्दै आएका मन्त्री आचार्य यस पटक भने राष्ट्रपति निर्वाचनका लागि भन्दै सपरिवार काठमाडौंमा छन् ।
प्रदेशको खानेपानी, ग्रामीण तथा सहरी विकासमन्त्री आचार्य परिवारसहित काठमाडौं गएको मौका छोपी चोरी भएको प्रहरी नायब उपरीक्षक मुकुन्द रिजालले जानकारी दिए । घरका सबै कोठाको ताल्चा फुटाएर चोरी भएको छ । तर, घरका परिवार नभएकाले के कति चोरी भयो भन्ने नखुलेको प्रहरीले जनाएको छ ।
डेढ महिनाअघि पनि आचार्यको घरमा चोरी भएको थियो । त्यसबेला त्यति धेरै क्षति नभए पनि यसपालि सबै ताल्चा फोडेको र सामान लगेको मन्त्रीका निजी सचिव प्रदीप नेपालीले बताए ।
क्याटेगोरी : समाचार, लुम्बिनी प्रदेश
ट्याग : #chori
थप समाचार
धेरै पढिएका
प्रतिक्रिया