Techie IT
  • १० वैशाख २०८१, सोमबार
Jhilko

कोशी प्रदेश नामकरण विवाद : छानबिन गर्न समिति गठन


काठमाण्डौं, ११ चैत । सरकारले कोशी प्रदेश नामकरण विवादपछि गएको ५ गते आइतबार भएको घटनाको छानबिन गर्न समिति गठन गर्ने भएको छ । प्रधानमन्त्री पुष्पकमल दाहाल प्रचण्डको आह्वानमा प्रधानमन्त्री निवास बालुवाटारमा भएको छलफलपछि सरकारले छानबिन समिति गठन गर्ने निर्णय गरेको हो ।

कोशी प्रदेश नामकरण विवादपछि देखिएको घटनाक्रमप्रति सरकार गम्भीर रहेकोे र ५ गते भएको घटनाका सम्बन्धमा गृहमन्त्रालयले समिति गठन गरी तत्काल छानबिन अघि बढाउने सञ्चार तथा सूचना प्रविधिमन्त्री रेखा शर्माले जानकारी दिए। समग्र घटनाका सम्बन्धमा छलफल गर्न सरकारले सम्बन्धित पक्षलाई संवादका लागि आह्वान गरेको छ ।

गएको फागुन १७ गते तत्कालीन प्रदेश १ को नाम कोशी राख्ने निर्णय भएको थियो । यसको विरोधमा चैत ५ गते विराटनगरमा प्रदर्शन भएको थियो । प्रदर्शनमा प्रहरीको लाठीचार्जबाट घाइते भएका पदमबहादुर लिम्बुको उपचारका क्रममा हिजो ज्यान गएको थियो ।


क्याटेगोरी : समाचार, कोशी प्रदेश
ट्याग : #breaking

प्रतिक्रिया


धेरै पढिएका

ताजा अपडेट