बर्जु गाउँपालिकाका इन्जिनियर २० हजार घुससहित पक्राउ
![](https://archive.jhilko.com/wp-content/uploads/2023/04/mehata.webp)
विराटनगर । सुनसरीस्थित बर्जु गाउँपालिकाका इन्जिनियर अजय मेहता २० हजार घुससहित विराटनगरबाट पक्राउ परेका छन् ।
अख्तियार दुरुपयोग अनुसन्धान आयोगको टोलीले मेहतालाई घुस रकमसहित सोमबार पक्राउ गरेको हो । घरनक्सा पासको लागि सेवाग्राहीबाट घुस लिएको आरोपमा मेहतालाई पक्राउ गरिएको अख्तियार दुरुपयोग अनुसन्धान आयोगले जनाएको छ ।
अख्तियार दुरुपयोग अनुसन्धान आयोगका केन्द्रीय प्रवक्ता भोला दाहालले दिएको जानकारी अनुसार उनलाई अख्तियारको इटहरीस्थित कार्यालयबाट खटिएको टोलीले विराटनगरको जामुनगाछि पुलचोकबाट पक्राउ गरेको हो ।
उनीमाथि थप अनुसन्धान सुरु गरिएको आयोगले जनाएको छ । सुनसरीको देवानगञ्ज घर भएका मेहता छैटौं तहका कर्मचारी हुन् ।
क्याटेगोरी : समाचार, कोशी प्रदेश
प्रतिक्रिया