Techie IT
  • १९ फागुन २०८०, शनिबार
Jhilko

समाजवादी मोर्चा आज घोषणा हुँदै


काठमाडौं । माओवादी केन्द्रसहित चार दलको समाजवादी मोर्चा घोषणा आज हुँदैछ । राष्ट्रिय सभागृहमा आज अपराह्न तीन बजे घोषणा सभाको आयोजना गरिएको छ ।

समाजवादी मोर्चामा माओवादी, जसपा, एकीकृत समाजवादी र विप्लव नेतृत्वको नेकपा छन् ।

नेताहरूबीच भएको सहमति अनुसार, मोर्चाको नेतृत्व आलोपालो हुनेछ । तत्काललाई केन्द्रीय मोर्चा घोषणा गर्ने र आवश्यकताका आधारमा तल्लो तहसम्म संरचना बनाउने सहमति जुटेको छ ।

मोर्चाले संसद भित्र र बाहिर पनि समाजवादी विचारधारको प्रचार गर्ने तथा समाजवादका पक्षमा जनमत निर्माण गर्ने बताइएको छ । यसले देशको विकास, सुशासन र राजनीतिक स्थिरताको पक्षमा वकालत गर्ने र आम जनतालाई दिने सेवा सुविधाको प्रवाहलाई सुव्यवस्थित गर्न दबाबकारी भूमिकासमेत खेल्नेछ ।

समाजवादी मोर्चामा विप्लप नेतृत्वको नेकपा समाविष्ट हुँदा बाबुराम भट्टराई नेतृत्वको नेसपा भने समावेश हुन सकेन ।

 


क्याटेगोरी : राजनीति, समाचार
ट्याग : #समाजवादी मोर्चा

प्रतिक्रिया


धेरै पढिएका

ताजा अपडेट