चिनियाँ राष्ट्रपति सीको रुस भ्रमणमा शान्ति प्रस्तावको पहल हुने अपेक्षा
काठमाडौ । चिनियाँ राष्ट्रपति सी चिनफिङले आफ्नो तेस्रो कार्यकालको शुरुवात मार्च २० देखि रुसको प्रतीकात्मक भ्रमणका साथ गर्ने भएका छन् ।
चीनले राष्ट्रपति सीको रुस भ्रमणको शुक्रबार घोषणा गरेको हो ।
चिनियाँ विदेश मन्त्रालयले सीले रुसी राष्ट्रपति भ्लादिमिर पुटिनको निमन्त्रणामा मार्च २० देखि २२ सम्म रूसको राजकीय भ्रमण गर्ने जनाएको हो ।
यो भ्रमणले चीनले युक्रेनको शान्ति योजनालाई अगाडि बढाउनेछ कि भनेर सोधिएको प्रश्नमा परराष्ट्र मन्त्रालयका प्रवक्ता वाङ वेनबिनले भने, “चीन सधैं राजनीतिक वार्ता नै द्वन्द्व र विवादहरू समाधान गर्ने एकमात्र उपाय भन्ने कुरोमा विश्वास गर्छ ।“
चीनले फेब्रुअरी २४ मा रुसको आक्रमणको एक वर्ष पूरा भएको अवसरमा एउटा स्थिति पत्र जारी गरेको थियो । जसमा दुवै पक्षलाई “व्यापक युद्धविराम“ मा पुग्न आह्वान गरिएको थियो । त्यसले चीनको दृष्टिकोण प्रस्तुत गरेको थियो ।
यसले सबै देशहरूको “सार्वभौमसत्ता“ लाई समर्थन गरेको छ भने अर्कोतिर पश्चिमा देशहरूको आलोचना गरेको छ ।
वाङले शुक्रबार फेरि एकपटक चीन–रूस सम्बन्ध र युक्रेनमा आफ्नो अडान दुवै विषयमा पश्चिमी देशहरूको आलोचनालाई अस्वीकार गर्दै भने “ लडाइँको समयमा आगो निभाउने र एकपक्षीय प्रतिबन्ध लगाउनाले अवस्थालाई अझ खराब बनाउनेछ। ”
उनले युद्धको क्रममा चीनले रुसलाई हतियार आपूर्ति गरेको पश्चिमी आरोपलाई अस्वीकार गरे ।
साउदी अरब र इरान बीचको ऐतिहासिक वार्ताबाट चीन कूटनीतिक वर्चस्व कायम गरेबाट युक्रेन संकटमा प्रमुख खेलाडीको रूपमा उभिने अपेक्षा गरिएको छ ।
गत वर्षदेखि चीनले रुसको आक्रमणको निन्दा गरेको छैन। यसले शान्तिको लागि आह्वान गरेको छ, तर एकै समयमा पश्चिम र नाटोको सम्बन्धमा रूसी सुरक्षा चिन्तालाई जायज ठहराएको छ।
क्याटेगोरी : अन्तर्राष्ट्रिय
ट्याग : #breaking, #hot
थप समाचार
धेरै पढिएका
प्रतिक्रिया