गम्भीर भएर कलम चलाउन पत्रकारहरूलाई मुख्यमन्त्री सुरेन्द्र पाण्डेको आग्रह
![](https://archive.jhilko.com/wp-content/uploads/2023/05/surendra-pande.jpg)
कास्की, जेठ ७ गते । गण्डकी प्रदेश सरकारका मुख्यमन्त्री सुरेन्द्र पाण्डेले गम्भीर भएर कलम चलाउन पत्रकारहरूलाई आग्रह गरेका छन् । नेपाल प्रेस युनियन कास्कीको १० औ अधिवेशनको उद्घाटन पछि बोल्दै उनले समाचार लेख्दा सत्य तथ्यमा आधारित भएर लेख्न पर्ने बताए ।
एउटै सन्दर्भका समाचार मिडिया अनुसार फरक फरक आउने गरेका छन् । केही मिडियाले समाजमा उत्तेजित हुने खालका समाचार प्रकाशित गरेको पाइन्छ त्यसमा होसियार हुन आवश्यक छ, उनले भने ।
मुख्यमन्त्री पाण्डेले प्रेस युनियनले पत्रकार शुद्दिकरणको अभियान राम्रो भएको बताए । उनले गण्डकी प्रदेशमा रोकिएको मिडिया बिधेयक छिटै पुरा हुने बताए । संविधानले निर्देशन गरेको अधिकार हनन नहुने गरी सञ्चार विधेयक पास गर्छौँ । मिडियामा देखिएको गलत प्रविधि हटाउन सबै मिलेर समाधान गरौँ, उनले भने ।
क्याटेगोरी : राजनीति, गण्डकी प्रदेश
ट्याग : #hot
प्रतिक्रिया