सञ्चारमाध्यमले चर्चामा रहेका नेतामा मात्रै ध्यान दिए : सभामुख घिमिरे
काठमाण्डौं, १९ फागुन । प्रतिनिधि सभाका सभामुख देवराज घिमिरेले सञ्चारमाध्यमले चर्चित नेता र चर्चाको विषयमात्रै समेटेको गुनासो गरेका छन् ।
आज अन्तर्राष्ट्रिय महिला दिवसको अवसरमा आयोजित मिडियामा महिलाका विचार गोष्ठी कार्यक्रममा उनले सञ्चारमाध्यमले संसद्का विषयवस्तुलाई महत्त्वपूर्ण नठानेर चर्चामा रहेका नेता र चर्चित विषयको प्रचारमा मात्रै बढी ध्यान दिने गरेको बताएका हुन् ।
सभामुख घिमिरेले सञ्चारमाध्यमहरुले नेताहरु र शीर्षकमा केन्द्रित नभइ विषयवस्तुमा केन्द्रित भएर समाचार प्रकाशन र प्रसारण गर्नुपर्ने बताए । ‘अहिले संसदमा खास नेताहरु बोल्ने दिन छ भने मिडियाहरुको उपस्थिति देखिन्छ । नभए करिब शून्य हुन्छ । तर सक्रियता कम छ । महिलाहरुको सहभागिता कम छ । महिलाहरुको सहभागिता र सक्रियता बढाउनका लागि हामी काम गर्नेछौँ । अहिले मिडियाहरुले कन्टेनमा के छ त्यसलाई नहेरेर, चर्चामा रहेका विषय र नेताहरुको प्रचारमा मात्रै जाने देखेको छ’ उनले भने।
महिलालाई मिडिया फ्रेण्डली बनाउन विभिन्न कार्यक्रम निर्माण गर्ने योजनामा संसद् सचिवालयसँग छलफल गर्ने तयारी गरिएको उनले बताए । उनले संसद् र अन्य सङ्घसंस्थाहरुमा पनि महिलाहरुको सक्रियता र सहभागिता बढिरहेको भए पनि सञ्चारमाध्यमहरुले त्यसअनुसार प्रचारप्रसार नगरेको गुनासो गरे । उनले आफू सभामुख भइसकेपछि संसद् बैठकमा महिला सांसदहरुले शून्य र विशेष समयमा सक्रियता र सहभागिता देखाए पनि सञ्चारमाध्यमहरुले प्रचार गर्न कन्जुस्याइँ गरेको बताए ।
साथै, उनले विगतमा रोकिएको मिडिया सम्बन्धी विधेयकलाई विस्तृत छलफल र अध्ययन गरी अघि बढाउने बताए ।
क्याटेगोरी : राजनीति
ट्याग : #hot
थप समाचार
धेरै पढिएका
प्रतिक्रिया