रुस विरुद्ध युक्रेनी प्रत्याक्रमण जारी रहेको युक्रेनी राष्ट्रपति जेलेन्स्कीद्वारा पुष्टि
काठमाडौं । युक्रेनका राष्ट्रपति भ्लादिमिर जेलेन्स्कीले रुसी सेना विरुद्ध युक्रेनी सेनाले प्रत्याक्रमण सुरु गरेको बताएका छन् ।
शनिबार राजधानी किभमा क्यानाडाका प्रधानमन्त्री जस्टिन ट्रुडोसँगको संयुक्त पत्रकार सम्मेलनमा जेलेन्स्कीलाई उनका रूसी समकक्षी भ्लादिमिर पुटिनको हालैका बयानहरूमा टिप्पणी गर्न भनिएका बेला यस्तो बताए ।
शुक्रबार रुसी राष्ट्रपति पुटिनले युक्रेनको तर्फबाट प्रत्याक्रमण सुरु भएको भनी अभिव्यक्ति दिएका थिए ।
पुटिनले युक्रेनले अपेक्षा गरे भन्दा बढी क्षति बेहोरिरहेको दाबी गरेका थिए ।
यसबारे सोधिएको प्रश्नको जवाफमा युक्रेनी राष्ट्रपति जेलेन्स्कीले भने “युक्रेनमा प्रतिरक्षा र प्रतिरक्षा कार्यहरू भइरहेका छन्। उनीहरु कुन चरणमा छन्, म विस्तृतमा भन्दिन”
युक्रेनका अधिकारीहरूले अहिलेसम्म प्रत्याक्रमणको कारबाहीलाई स्वीकार गर्न हिचकिचाउँदै आएका थिए ।
मंगलबार जेलेन्स्कीका सल्लाहकार मिखाइल पोदोलियाकले प्रत्याक्रमण कारबाही सुरु नभएको बताएका थिए ।
क्याटेगोरी : अन्तर्राष्ट्रिय
थप समाचार
धेरै पढिएका
प्रतिक्रिया