Techie IT
  • १३ मंसीर २०८०, बुधबार
Jhilko

चितवन २ को नयाँकिरण माविमा रोकियो मतदान, सर्वदलीय वैठकले सूचारु गर्ने प्रयास


उपनिर्वाचनअन्तर्गत चितवनको भरतपुर महानगरपालिका-११ स्थित नयाँकिरण माविको मतदान अवरुद्ध भएको छ।

मतदानस्थलमै नाराबाजी र विवाद भएपछि मतदान रोकिएर सर्वदलीय बैठक डाकिएको छ।

राष्ट्रिय स्वतन्त्र पार्टीका सभापतिसमेत रहेका चितवन क्षेत्र नम्बर २ का उम्मेदवार रवि लामिछानेका समर्थकहरुले मतदानस्थलमै नाराबाजी गरेका थिए।

रविका समर्थकको नाराबाजीले मतदान केन्द्रमा तनाव, सेनाको टोली पुग्यो

रवि मतदानस्थलमा आएपछि समर्थकहरुले नाराबाजी गरेपछि विवाद भएको थियो। त्यसपछि त्यहाँ रहेका नेकपा एमालेका समर्थक र कार्यकर्ताहरुले उनीहरुलाई रोक्न खोज्दा तनाव बढेको हो।

तनावपछि प्रहरीले केही बेर लाठी चार्ज पनि गरेको थियो। लाठी चार्ज गर्दै प्रहरीले नाराबाजीमा संलग्न रास्वपका कार्यकर्तालाई बाहिर पठाएको थियो।

विवादपछि मतदानस्थलबाहिर सेनाको टोली पनि पुगेको छ। रोकिएको मदतान अघि बढाउन अहिले त्यहाँ सर्वदलीय बैठक बसिरहेको छ।

सर्वदलीय बैठकमार्फत सहमति जुटाएर मतदान अघि बढाउन लागिएको मतदान अधिकृत इन्द्र शर्मा ढुंगानाले सञ्चारकर्मीहरुलाई बताएका छन्।


क्याटेगोरी : राजनीति
ट्याग : #breaking

प्रतिक्रिया


धेरै पढिएका

ताजा अपडेट