काठमाडौं, २ चैत । आइसीसी विश्वकप लिग २ त्रिकोणात्मक एक दिवसीय सिरिजको अन्तिम खेलमा त्रिवि क्रिकेट मैदान समर्थकले भरिएको छ।
खेल सुरु हुनुअघि नै मैदान दर्शकले भरिएको छ। मैदान बाहिर समेत समर्थकको भीड रहेको छ। समर्थकको भीडलाई नियन्त्रण गर्न प्रहरीले लाठीचार्ज समेत गरेको थियो। खेल मैदान प्रवेश गर्ने मुख्य गेटदेखि नै दर्शकको भीड छ। समर्थकहरू पञ्चेबाजासहित मैदानमा उपस्थित भएका छन्। लिग २ सिरिजको अन्तिम खेलमा नेपालले यूएईसँग खेल्दैछ।
दर्शकहरुको उल्लेख्य साथ पाएको घरेलु टोली क्वाटरफाइनल प्रवेशका लागि जित्नैपर्ने दबाबमा छ। लिगको अन्तिम खेलका लागि चैत १ गते नै सबै ११ हजार टिकट बिक्री भएको थियो। टिकट नपाएर समर्थकहरू मैदान छिर्न नपाएपछि मैदानबाहिरबाटै समर्थकहरू हुटिङ गरिरहेका छन्।
क्याटेगोरी : खेलकुद, बाग्मती प्रदेश
ट्याग : #cricket, #hot
थप समाचार
धेरै पढिएका
प्रतिक्रिया