सुडानको केन्द्रीय प्रयोगशाला सेनाको कब्जामा, ‘खतरनाक भाइरसको जोखिम बढ्यो’
सुडानमा लडाइँ गरिरहेको सेनाको एउटा पक्षले केन्द्रीय प्रयोगशाला कब्जा गरेको कारण जैविक खतरा बढेको विश्व स्वास्थ्य सङ्गठन (डब्ल्यूएचओ) ले चेतावनी दिएको छ ।
डब्ल्यूएचओका सुडान प्रतिनिधि निमा सइद अबिदले भिडियो लिङ्कमार्फत कुराकानी गर्दै पोलियो र दादुरालगायतका रोगहरूको नमुना राख्ने केन्द्रीय प्रयोगशाला लडाइँ गरिरहेको एउटा पक्षले कब्जामा लिएको भन्दै यसले जैविक खतरा बढेको बताएका भारतीय सञ्चारमाध्ययम एनडीटिभीले जनाएको छ । लडाइँ गरिरहेको पक्षको कब्जामा यस्तो प्रयोगशाला पुग्नु अत्यन्तै खतरनाक हुने उनले बताएका छन् ।
प्रयोगशाला कुन पक्षले कब्जा गरेको भन्ने नखुलाई अबिदले सशस्त्र समूहको एउटा पक्षले सबै कर्मचारीलाई बाहिर निकालेर प्रयोगशाला नियन्त्रणमा लिएको र यसबाट ठूलो दुर्घटनाको जोखिम रहने बताएका छन् ।
सुडानमा सुडानी सेना र अर्धसैनिक बल र्यापिड सपोर्ट फोर्सेज (आरएसएफ) बीच लडाइँ चलिरहेको छ । आरएसएफको नेतृत्व पनि सेनाकै एक जनरेलले गर्दै आएका छन् । लडाइँमा चार सय जनाभन्दा धेरैको ज्यान गइसकेको छ । पश्चिमालगायतका कंयौँ देशले सुडानबाट आफ्ना नागरिकको उद्धार गरेका छन् । लडाइँ गरिरहेका दुई पक्षबीच आज बिहानदेखि ७२ घण्टे युद्धविराम लागू भएको छ ।
क्याटेगोरी : अन्तर्राष्ट्रिय
ट्याग : #hot
थप समाचार
धेरै पढिएका
प्रतिक्रिया