चीनको खतरा देखाउँदै अमेरिकासँग सैनिक गस्तीको सहयोग मागे पछि धम्की नदिएको चीनको स्पष्टोक्ति
काठमाडौं । प्रशान्त क्षेत्रमा रहेको एक टापुले चीनको खतरा भएको बताउँदै अमेरिकासँग सैन्य गस्ती मागेपछि त्यसप्रति प्रतिक्रिया जनाउँदै चीनले आफ्नो जहाज घुसपैठ गरेको दाबीलाई अस्वीकार गरेको छ ।
यस वर्ष धेरै अवसरहरूमा चिनियाँ जहाजहरूले अनुमति बिना पलाउको विशेष आर्थिक क्षेत्रमा प्रवेश गरेको आरोप बारे सोधिएको प्रश्नको जवाफमा चिनियाँ परराष्ट्र मन्त्रालयका प्रवक्ता वाङ वेनबिनले चिनियाँ जहाजहरूले अन्तर्राष्ट्रिय कानूनको पालना गर्ने स्पष्ट पारे ।
वाङले भने “चिनियाँ जहाजहरूले सान्दर्भिक पानीमा हावाबाट आश्रय लिएका थिए र तिनीहरूले कुनै पनि समुद्री अन्वेषण वा सर्वेक्षण गतिविधिहरू सञ्चालन गरेनन्,”
यसअघि बिहीबार पलाउका राष्ट्रपति सुरन्जेल ह्विप्स जुनियरले कथित चिनियाँ घुसपैठलाई उद्धृत गरी आफ्नो देशको वरिपरि बढ्दो अमेरिकी सेनाको उपस्थितिलाई स्वागत गर्ने बताएका थिए ।
अमेरिकाले हालैका हप्ताहरूमा पपुवा न्यू गिनी, माइक्रोनेसिया र पलाउ लगायत धेरै प्रशान्त टापु देशहरूसँग सुरक्षा सम्झौताहरू नवीकरण गरेको छ। गत वर्ष चीन सरकारले सोलोमन टापुहरूसँग ठूलो सैन्य र विकास सम्झौता गरेपछि अमेरिकी अधिकारीहरूले यस क्षेत्रमा अमेरिकी प्रभाव बढाउन खोजेका छन् ।
दशकौँ अघि बन्द भएको दूताबास अमेरिकाले यस वर्षको सुरुमा सोलोमन टापुहरूमा आफ्नो दूतावास फेरि खोलेको थियो ।
पलाउमा आगामी अमेरिकी तैनाथीको प्रतिक्रिया दिँदै चिनियाँ विदेश मन्त्रालयका प्रवक्ताले दुवै देशलाई प्रशान्त टापुका देशहरूमा शान्ति, विकास र स्थायित्वमा योगदान पु¥याउन आग्रह गरे । राज्यहरू बीचको सुरक्षा सहयोगले कुनै तेस्रो पक्षलाई लक्षित गर्न नहुने उनले बताए ।
अमेरिका र चीन सरकारहरूले एक अर्कालाई हिन्द प्रशान्त क्षेत्रमा तनाव निम्त्याइरहेको पटक पटक आरोप लगाइरहेका छन् ।
चीनले आफ्ना छिमेकीहरूलाई जबरजस्ती गरिरहेको कुरा अस्वीकार गर्दै अमेरिकालाई शीतयुद्धको मानसिकता छोड्न आग्रह गरेको छ।
क्याटेगोरी : अन्तर्राष्ट्रिय
थप समाचार
धेरै पढिएका
प्रतिक्रिया