जजिरा एयरवेजले रोक्यो गौतम बुद्ध अन्तर्राष्ट्रिय विमानस्थलमा हुँदै आएको उडान
![](https://archive.jhilko.com/wp-content/uploads/2023/05/jazeera.jpg)
काठमाडौं, २९ वैशाख । जजिरा एयरवेजले भैरहवास्थित गौतम बुद्ध अन्तर्राष्ट्रिय विमानस्थलमा हुँदै आएको उडान रोकेको छ । जजिरा एयरवेजले कुवेत–भैरहवा–कुवेत साताको तीन दिन उडान गर्दै आएको थियो ।
जजिराले गत अप्रिल १९ बाट उडान बन्द गरेको विमानस्थलका प्रवक्ता विनोद सिंह रावलले जानकारी दिए । कम्पनीले मे ८ देखि नियमित उडान गर्ने भन्दै उडान बन्द गरेको थियो । तर, अहिलेसम्म उडान सुरु गरेको छैन । उडान के कारण बन्द भएको हो जानकारी दिइएको छैन ।
तर, यसअघि व्यापारिक कारण उडान बन्द गरेको जजिराले उल्लेख गरेको थियो । जजिराले जारी गरेको अर्को सूचनामा उडानको बारेमा जानकारी दिने जनाए पनि अहिलेसम्म कुनै पनि सूचना नपठाएको विमानस्थलका प्रवक्ता रावलले जानकारी दिए ।
यसअघि पनि विभिन्न कारण देखाउँदै केही महिना जजिराले उडान बन्द गरेको थियो ।
क्याटेगोरी : पर्यटन
ट्याग : #hot
प्रतिक्रिया